Буллинг пен кибербуллингтің салдары

Мектебімізде, 16 ақпанда, учаскелік полиция инспекторларының қатысуымен кәмелетке толмағандар арасындағы құқықбұзушылықтың алдын алу және буллинг мәселелеріне арналған жалпымектептік ата-аналар жиналысы өтті.

Кездесу барысында келесі мәселелер қаралды:

• Жасөспірімдердің заңсыз әрекеттері үшін жауапкершілігі;
• Буллинг пен кибербуллингтің салдары;
• Бала тәрбиесі мен мінез-құлқына ата-аналардың жауапкершілігі;
• Интернет желісіндегі қауіпсіз мінез-құлық ережелері

Учаскелік инспектор заңнама нормаларын түсіндіріп, іс-тәжірибелерінен мысалдар келтірді және ата-аналардың сұрақтарына жауап берді. Ұялы телефондарды пайдалануды бақылауға, әлеуметтік желілердегі сөйлесу мәдениетіне және жасөспірімдерді заңсыз әрекеттерге тартудың алдын алуға ерекше назар аударылды.

Ата-аналар мектебі, отбасы, тәртіп сақшыларымен бірлескен жұмысының маңыздылығы туралы талқылауға белсене ат салысты.

Күш-жігерімізбен бірлесе отырып қана, өз балаларымыз үшін қауіпсіз әрі жайлы орта қалыптастыра аламыз.