Қазақстан халықтарының тілдері апталығы

22 қыркүйек Қазақстандағы барлық халықтардың ортақ мерекесіне айналған айтулы күн. Осы күнді мерекелеу аясында «Николаевка ауылының негізгі орта мектебі» КММ-де Қазақстан халықтарының тілдері күнін мерекелеуге арналған іс-шаралар қызықты әрі тартысты өтті. Осы күнге орай түрлі іс-шаралар  орыс,қазақ тілдерінде ұйымдастырылды.

Қазақстан халықтарының Тілдері күні мерекесінің ашылуы Сейдахмет Қ.Қ. және Игнатенко Е.А. ұйымдастыруымен салтанатты жиынмен басталды. Тіл тақырыбында үш тілде өлеңдер оқылып, оқушылар апталық жоспарымен таныстырылды. 

Қазақстан халықтарының тілдері күні мерекесіне орай мектеп кітапханасында «Халықтар достығы,тілдер достығы» атты мемлекеттік тілден ашық сабақ өткізілді, сонымен қатар «Ахмет Байтұрсынов – қазақ әліпбиінің негізін салушы» атты кітап көрмесі өтті. Шара барысында оқушыларА.Байтұрсынұлының өмірбаянымен, шығармашылығымен танысты. Ахмет аталарының өмірі, балалық шағы туралы көптеген қызықты мәліметтермен қанықты.

Қазақстан халықтарының құрметіне тілдерді дамыту мен қолдану бағдарламасын жүзеге асыру аясында, сондай-ақ үштілділікті дамыту мақсатында «Тіл – достық тірегі» атты үш тілде оқырмандар байқауы өтті.

Шараға 5-9 сынып оқушылары белсене ат салысты. Оқушылар қазақ,орыс және ағылшын тілдерінде өлеңдер дайындап келіпті.

Оқушылар барлық сайыстарда жоғары деңгейде белсенділік танытып, жұмысқа қызығушылық танытты. Топта жақсы жұмыс істеді. Топтық жұмыс процесінде  белсенділігі төмен оқушылар да қатыстырылды.

Қазақстан халықтарының тілдері апталығының өткізілу барысында  барлық оқушылар тілді жақсы білу және ана тілін дамыту, шет тілдерінің мәнерлі құралдарын пайдалана білу - әрбір адам үшін ең жақсы тірек болатыныны көздері жетті.Әрбір тіл ерекше бай, икемді және өзінше әдемі.

Барлық іс-шаралар оқушылардың белсенді қатысуымен жоғары деңгейде өтті. Іс-шараға қатысқан барлық оқушылар алғыс хаттармен марапатталып, әр сайыстарда жеңімпаз атанған оқушылар мақтау қағаздарымен марапатталды.