Жалпымектептік ата-аналар жиналысы

Мектебімізде жалпы мектепішілік ата-аналар жиналысы өтті. Жиналыс барысында оқушылардың білім алуы, тәрбиесі және қауіпсіздігіне қатысты өзекті мәселелер қарастырылды.
Атап айтқанда, келесі тақырыптарға ерекше назар аударылды:
🔹 Мектептің ішкі тәртіп ережелерін сақтау — оқушылардың тәртібі мен жауапкершілігі.
🔹 Сабаққа қатысу — оқушылардың сабаққа қатысуы және балалардың оқуын бақылаудағы ата-аналардың жауапкершілігі.
🔹 Күзгі демалыс кезіндегі балалардың қауіпсіздігі.
🔹 Оқу үлгерімі мен білім сапасы.
🔹 «Қазақ тілін үйренуге деген қызығушылықты қалыптастырудағы отбасының рөлі». Бұл тақырып аясында ата-аналардың қолдауының, отбасында тілдік ортаны қалыптастырудың, балалардың мемлекеттік тілге деген құрметі мен оны үйренуге деген қызығушылығын арттырудың маңыздылығы атап өтілді.
Жиналыс барысында отбасы мен мектеп арасындағы тығыз байланыстың маңыздылығы айтылды. Педагогтер мен ата-аналардың бірлескен күш-жігерінің арқасында ғана жас ұрпақтың жан-жақты дамуына, сапалы білім алуына және тәрбиелі болып өсуіне қолайлы жағдай жасауға болады.
Отбасы мен мектеп — бала тәрбиесіндегі біртұтас команда!